An lung a leng ve ngei ang!

Phuahtu: R. Vanrammawia

Awmkhawhar changin ka dawn vel thin a,
He hringnun par ang, vul lai ni te;
Mual min liam san thin, kan hlimni ten;
Hmanlai an chang zo, nghilh a har ngei 

Lenrual duhte nen hlim te in
Zaitin kan vawr lai kha
Ka ngai thin e thiante kha,
Kan lenna a dang zo ta si,
Min han hriatchhuah changin
Kan nundan thin an dâwn kir ve anga,
An lung a leng ve ngei ang 

Han hawi vel hianin, tlang tin dam diai,
Thal romei zing riai, lenkawl eng leh;
Chhem dam thlifim leh thinghnah nem ten,
Nungcha hram thiam ten min ngaih tir thin;

An lung a leng ve ngei ang - R Vanrammawia- 

Di Chambawihpui

Tinkim dawn chang ni hian lungrukah
Thinlai khamtu leng tleitiri
Hmangaih biahthu nem te’n hlan ka nuam


Mahse biahzai nem te’n min chhang mai se maw
Sir ah min hnawl ka hlau leh si
A riang lunglawm ve nan maw biahthu di min hlan mai se maw
Aw Di Chambawihpuii’n

I sakhmel mawi ka thinlai khamtu
A riang lung mawl ka tan reng hian e
An lo chawi che I chun leh zua te’n

Luahloh Di zuna uai reng ai chuan
Fam changing pialral run rem ila
A nem mahna fam run nghah hun chuan

Di Chambawihpui - C Lalrinmawia style (Karaoke)

 

Ngaihzual nang nen 

(Phuahtu: Ellis Saidenga)

Awmhar chang ni hian ka hawi vel tlang tin
Khawian nge suihlung min lentu Di
Tawn leh ni her se, suihlunglen biahthu
Hrilh ka nuam ngei e, Ngaihzual, nang nen

Lenna khua hmun lo kar mah hla se la
Aw, Ngaihzuali
Thinlai lungruk ah duhai sam changin,
Len ka nuam ngei e, Ngaihzual, nang nen

Nang tawnloh nan kumtluang a sei tur leh
Riakmaw iang ka tahna sei reng hi
Thinlai lungrukah ka dawn chang ni hian
Hlimlai ni par ang a chuai kei zawng

A rang vaiin khua tin fang mah ila
Ka tawng lawng nang ang lung min len hi
Tanglaiah duh te’n buan ang pawm ve in
Nui dun ang hlim te’n, Ngaihzual, nang nen

Ngaihzual Nang Nen - T Laltlansanga (karaoke)

 

Nghilh bik suh aw Rinpui

Sulhnu chhui leh nunhlui ngaih zawng
Awmkhua a va har lua e
Ka ngai em che, ka ngai vawng vawng che
Ngaihzual ka ngai em a che

Engvang nge maw nang nen kan intawn
Nghilhni reng i awm si lo
Laikhum zala tlaikhua kan var lai
Nghilh bik suh aw Rinpui

Hmangaih bianga kan fawh dun lai khan 
Ka dawn ngai sam ang then
Lungchim tea biahthu hlan lai te
Han dawn ve ang che aw.

Bawihte engdang vang mah a ni lo
Ka tling zo lo a ni e
Suihlung chhirin lo kir bik lo la
I tan ka rem tawh lo ve.

Nghilh bik suh aw Rinpui - H Lalthakima

ZONUNMAWI

Satu- Joseph Zaihmingthanga

Lenrualte u,i dawn chiang ang u... kan nun hi
Kan pi leh pu nundan mawi, kan chhawm kha
Tlawmngaihna hlu, rinawmna leh
Thudik tana huaisenna te'n,
Tunah mual liam tumin, phurhhlan an siam tak hi

Zonun, aw, zonun mawi
Tap tapin ka au ding si lo aw
Zonun aw nun mawi
Liam lovin la cham rih hram rawh aw

Tunge dik lo tia zawng buai mai mai lovin
Keimahni theuhah inenfiah zawk ila
Kan zonun mawi kan hnam pangpar
Kan ram riangte timawitu kha
Kan tlangram mawiah hian i vultir leh ang aw

A zonun mawi par ang chul tur lo vul leh la
Mizo nih mai hi a tawk lo
I ram hmangaih mai a tawk lo
I nunah zonunmawi in tarchhuak ngei rawh se.

Zonunmawi - Joseph Zaihmingthanga

Lenrual an kim ta lo

(Phuahtu: Zirsangzela Hnamte) 

1. Lam ang ka lo let leh ta e Vala
Min lo hmuak dawn lawm ni chhuahtlang a'n
In sakhmel vaiin ka hawi ruai e
Khawnge maw in awm lenrualte u


    Dawn a sei lenrual an kim ta lo
    Ngai ve maw lungruala lenlaini
    Mittui nen ka fang in run chul hnu
    Tleidang leng te'n zaiin lo sa e


2. Aw khawnge in awm ka lenrualte
Mahriak te'n engah min lo siam le
Chham ang in zalna laikhum tal hi
In hlan lo em ni ka tan biahthu


3.Chungmu ianga thlawkin hrut vel i
Vangkhawpui kan suli hnu zawng te
Mahse lunglen mittui bual chung hian
Thangvansang kai zawh ka zuam si lo

Karaoke

A NÉM MAHNA

 A Nem Mahna!

Satu: Lalrindiki Khiangte (Daduhi)

Awm khua a har lung a leng, khua hmun loh di neih chu;
Eng dang reng thinlaia'n dawn zai rel reng a har ngei,
Lung lam vaiin hrilh a hai, riakmaw iang reng in, 
Mahriakte'n, aw, kaina run ka lo vai e.

A rei lua em, i sakhmel dar ang tawn loh kar,
I ngai hian senlai nau ang tlei a har;
Her chhuak thuai se, aw, sakhmel dar ang tawn leh ni,
Chutin nang ngaih lai lunglen a nem mahna.

Zankhua tlaiin leng zawng chu kawp lai di tang belin,
Tu dang reng ngai lo te'n hlim lai par an tlan e;
I ngai hian e mahriakte'n laikhum zal belin,
Thinlai ruka'n ka dawn vawng vawng thin che.

Theih chang ni se nang ngaih lai ban zai relin,
Hlimte'n tudang reng ngai lo te'n runhmunah leng dun ila;
Nang ngaih vanga suihlunglen sirah hnawl ve in,
I zun ngai a suihlunglen ka bang ve tur.

 A Rem Mai Lawm Ni

Satu: Lalrindiki Khiangte (Daduhi)

Kei zawng riang tur reng hian e, Khuanu'n mi duang em ni?
Hmangaih lungdi ka tawng sual zo tawh si a;
Mahse, tunah chhai lai di val ka tawng min dum tu,
Mahse, lairil hmangaihna min hlan hian ka ring si lo.

Rin zawng har hle mah la e,
Ka hmangaihna zawng zawng hi i tan ka hlan tawh si a;
I dawn lungruk lairil ber a riang hi min hlan ve la,
Muangte'n zan mu chhin ve nan.

Ka duhaisam dawn lungruk ti hian ka hlan nang che,
Nemte'n chhan dan a riang tan lo thiam ve la;
Suihlungrual a hlimtein runhmunah nui dun ve in,
Fanau maltluan chawi ve a lendun a rem mai lo'm ni?

Ka di valmawi, hmangaihna partlan a len dun hi,
Khuanu leng ruat a nih si loh chuanin e;
I tel lo hian suihlunglen engtin nge maw ka tuar dawn?
Suihlung her a lengdang chhai a rem tawh si lo ka tan.

 Min dem lul su!

Satu: Lalrindiki Khiangte (Daduhi)

Thinlai luahtu nang ang reng hi,
Piang leh thei hian ka va ring lo;
Zuapa chang tawh mahla, 
Tlang za rel thang dawn lo in, 
I tang ka bei leh thin.

Min dem lul su lenrual te u,
Tiang reng a lungdum tu hi;
Ka tawng lo vangkhuaan,
Lungmawl in ka tawng tlai e 
Sakhmel-tha -chungchuanga.

Mahriaktea laikhum zalin,
Ka han dawn vawng vawng thin che;
Tuan zai ka rel thei lo,
Min hnem la, aw, min awm la,
Hlim zai ka rel mahna.

Ka ngai zual che zankhua reiin,
Tawn loh kar rei lo te pawh;
Ka tan a sei lua e, 
Min han dawn ve thin che maw,
Kei zawng ka nghilh lo'ng che.

A NA ÉMAI

A Na Emai

 Satu: Lalrindiki Khiangte (Daduhi)

I tan chauh ti a kum tam a liam hnu in,
Hmangaihna parmawi ber thliakin ka rawn hawn che;
Mahse, tawn loh karah khan maw duhlai mi u,
Suihlung min lo her san, aw, a na, a na emai.

I hmangaihna min hlan ve hi, lungngaihna mai a ni,
Ka dawn ngam lo, hmangaih mampui, 
Nang nena kan lenlai ni te kha...

Hmatiang dawn lo a damlai hringnun chen a,
Chun leh zua run in chhung mawitu i nih lai hian,
Kan tiam sa biahthu di thamral tur chu mi u,
Hria in i hai si lo, aw, a na, a na emai.

Aw di, mangtha mai le, 
A rem si lo nang nen lendun hi, 
Aw, a na, a na emai....

 Ka tana chuai lo kha!

Phuahtu: Hugs MCgee Jahau
Thluk siamtu: Bzi Chhangte
Satu: Bzi Chhangte

Ka nghilh loh tur ka tana par,
A vul lai hi ka tan mawi;
A nui ri chu ka tan rimawi,
Ka hlim a ni a kiangah hian.

Chuai lo se ka tan a par,
Ka lung a dum, ka mit a la;
A chhing zo reng an piang lo'ng e,
Hmangaihna duhthusam ka tan vul zel se,
Lawm a kim ngei ang, 
Ka lawm a kim ngei ang aw.

Zaleng tin khumtu sakhmel kha,
A rim a tui, a kiangah hian;
Awm reng ka nuam ka taah chang se,
Ka iai lo, ka duh ve chiang.

A thatna leh duhawmna, 
Sawi ngai lo in an chiang;
A hmel a tha a pian a mawi,
Ka tana chuai lo kha.

Ka tana chuai lo kha karaoke/soundtrack https://youtu.be/tvNoNNzKgyU

 Hmangaihna Pâr

Phuahtu: Lalrammawia
Satu: Lalbiakhlua

Thlang kawr vaia tuantul vanga i liam ni khan e,
Kan vang khawpui a ngui ruai e;
Ka tan khaw ram an lo chang zo ta,
Hrilh ka hai ngei, ar ang ka vai zo ta.

Nghilh theih hian ka mawi lo,
Buan ang pawm a kan hlim lai ni;
A cham reng thin thinlai rukah,
Tawnmang mawl a'n ka phal lo.

I sakruang mawi thlir nin awm lo,
Mitthlaan a cham reng mai, i anka nem a thlum ber mai;
I sakruang mawi nghilh zawng a har ngei mai,
Rinawmte in ka lo nghak reng nang che.

Lam ang i lo let leh ni chuan lawm a kim tawh ang,
Senlai nau iang tah ni zawng te a kiang ang;
Chutin hlimte'n tudang ngai lo ten,
Hmangaihna par chu kan tlan leh dawnnia.

KA HLA

 KA HLÂ

Phuahtu: Dustin Lalkulhpuia
Satu: Jt Production (Zawma)

Tawntirh renga ka hlah phal loh,
I thinlaiah ka cham ve hi; 
Hringnun hi a mawi zual fo thin,
I hmangaihna zuna han uai meuh zawng,
Lenrual selna ka do zova, 
Zah reng ka hre zo lo.

I tan natna ka thlen hian,
Khuanu ka tlawn fiam a;
I zeimawi hmuh fuh tumin duatpui, 
Engkim ka huam fo thin.

Kan chanchin hi hla mawiah, 
Siamin ziak thiam lo ni ila;
Ziaktu ka inti ngam dawn em ni?
Hetiang em a ka thinlung luahtu hi,
Chhiahtna tawpa i awm pawhin,
I ban ka chelh fo ang.

Ka lam hawia i seih hian,
Ka khawih lai ka bang a;
I zun ka vei leh thin duatpui,
Ka hla i ni si a,
I zun ka vei leh thin duatpui,
Ka hla i ni si a.

 Ka Hmangaihte!

Phuahtu: Zawma (Jt. Production)

Satu: Zawma (Jt. Production) feat Siampuii Ralte

Hmangaihtu chuan a hmangaih chu,
A mittui tlak a phal ngai lo;
A kianga awmin a veng reng thin,
Ni ang khianin a eng reng thin,
Thim hnuaiah pawh enna thla ang hian,
A thlah ngai lo.

Chuti ang chuan di ka hmangaih che,
Engtikah mah ka thlah phal lo che;
Siamtuin a lo duan bik,
Kan pahnih hian, ka hmangaihte,
Mo leh moneitu kan nih hun,
Thleng thuai tawh se.

Kan intawn hma chuan lo theih se,
A theih loh paw'n di lungngai lo la;
Pu K.Hminga paw'n thuruk chheber pawh nei ila,
Nghilh mai ka thlang a lo tih kha,
Chutiang ang chuan di ka hmangaih che,
A chuai ngai lo'ng.

Kan intawn hma chuan lo theih se,
A theih loh paw'n di lungngai lo la;
Pu K.Hminga paw'n thuruk chheber pawh nei ila,
Nghilh mai ka thlang a lo tih kha,
Chutiang ang chuan di ka hmangaih che,
A chuai ngai lo'ng.

Chutiang ang chuan di ka hmangaih che,
A chuai ngai lo'ng.

VANGLAINI

 VANGLÂINÎ

Satu: Zosangliani

Chul mai lo se vanglai kan nun,
An sawi chuailo par iang hian maw;
Vul reng mai la,
A mi zaleng zawng lawm a kim ang.

Mahse, i vullai ni a tawi lua e,
Tawnmang an chang zo ta panlai kan nun;
Lo kir lul rawh, 
A mi zaleng zawng lawm a kim ang.

Hawihkawm lenrual lungduhte nen,
An hril lenlai par i tlan ve ang;
Aw, hlimlai ni,
Chul leh uai mai an ka phal lo.

Min dawn pui se Khuanu lengin,
Kir zai an rel lo nunhlui zawngten;
Aw lenlaini, 
Chuailotein vul mai teh la.

I ROPUI NAN

 I Ropui nân

Phuahtu: Mka Chawngthu

Satu: Joseph Zaihmingthanga

Zing tian lenkawl a lo eng a,
Hram thiam vaten siamtu fakin; 
Rawl mawi an chhuah thinlai a fan,
Aw, an mawi ngei e.

Chutin kei pawh an iangin, 
Sirva zaimawi ka zawm ve a;
Vanrang chhum leh virthlileng ten,
I ropui zia an hril.

Kan fakin kan chawimawi che,
Fakna hla kan rawn hlan e;
Kan theihna zawng zawng te hi,
Aw, i ropui nan.

Nangmah faka zaivawr hi,
He ka damchhung reiloteah hian;
Ka ning lo'ng e, aw, Isu,
Fak tlak Pathian i ni.

He ka taksa leh thlarau hi,
I hming ropui nan ni se;
Ka aw leh theihna zawng hi,
Aw, i ropui nan.

Kan fakin kan chawimawi che,
Fakna hla kan rawn hlan e;
Kan fakin kan chawimawi che,
Fakna hla kan rawn hlan e,
Kan theihna zawng zawngte hi,
Aw, i ropui nan,
Aw, i ropui nan.

THIAN RINAWM

 THIAN RINAWM

Phuahtu: J.H Vanlalngheta

Satu: Ramhlun South YMA Zaipawl

Thian rinawm, thian rinawm ber,
A sur, a sa hnuia i tana ding reng tur;
Thian rinawm, thian rinawm ber,
Mamawh ni a thlen hun chuan min hrereng ang che.

I kawngte chu thimin a bawm, kalna tur i bo e,
Manganna, tanpuina ngaiin i thinlung a chau e;
Beisei ang chhanna hmu loin i bei a dawng thin e.

En rawh hei leh chen i kiangah ka awm tih hrereng la,
Remruatna tha i neih loh lai pawn ka phatsan chuang lo'ng che;
I bawrhsawm leh chak loh laiin min theihnghilh suh ang che.

Thinlung chauh chang ni a awm thin, lungngaih ni a awm thin,
In kaihkuna tah mai a awl thin hmangaihtu hre lo hian;
En rawh hei leh chen i kiangah ka awm tih hrereng la.

 

Krismas leh Kumhlui Zûn

-Tetei Ralte

Kumpuisul pawh a herliam leh dawn ta

Sikni eng mawi ngai ten a her chhuak e

Vanlal pianni champha dam ten kan thleng leh ta

Zaleng zawng ten hranglu iang an lawm e

Famngai te tan suihlung tilengtu mai

Hmatiangah kan thlir hun leh kum lo thar tur

Suihlung erawh a leng a hnim ruai e

Keizawng ka ngai hmana lenrual lungduh zawng nen

Krismas lawmin hlimten zai kan vawr kha

Tunah erawh suihlung tilengtu mai

Hnemtu ngaiin ka vai ruai e

Ngaih loh ang hian an liam zel si

Hringmi mawina par ang chulin

Kumsul erawh a thar zel si

Siamtu remruat dan lo ni e

Lal pianni champha kan thleng leh ta

Awle kumhlui damten mual liam ta la

Nunhlui ngaia suihlunglen hruai ve la

Hun leh kum lo thar tur hringmi tan malsawmin

Min hlan ta che duhsak chibai bukna

I zun ngaih zawng suihlung a leng e mai

Hnemtu ngaiin ka vai ruai e(he hun lawmawmah hian)

Ngaih loh ang hian an liam zel si(kir zai an rel silo)

Hringmi mawina par ang chulin

Kumsul erawh a thar zel si

Siamtu remruat dan lo ni e

Lal pianni champha kan thleng leh ta

HMANLAI AN CHANG ZO TA - satu - Joseph Zaihmingthanga

Hmanlai an Chang zo ta

1.  Kan zin chamna chhingkhualah;

Hnemtu awmlo mahriakte-in;

Lenrual kima lenlai dâwnin,

Suihlung a leng, a leng ngei e.

**Kan Vangkhaw zawla lenrual duhte'n,

Lawmrual sawmfang lawm maw e;

Khawnge suihlung kan rual lai hun kha;

Hmanlai an chang zo ta,

Hmanlai an chang zo ta.

2. Kan sumtualah lungrualin,

Zankhua rei reng dâwn zo lova,

Zaitin kan vawrlai hun te kha,

Kohkir ka nuam ngei e.

3. Khawnge lung ka rualpuite kha,

Khawilam tuan zai rel ve maw e;

Kan rûn sanga hlim lai hun kha,

Thinlaia'n a châm reng si;

Karaoke